Mənfəət vergisi : avans və əmsal. Vergi ödəyiciləri üçün məlumat.

Son vaxtlar vergi orqanı Vergi Məcəlləsinin 151.2-ci maddəsinə istinadən (Vergi ödəyicisi cari vergi ödəmələrinin məbləğini bu rübdəki gəlirinin həcmini onun keçən ilin ümumi gəlirində (gəlirdən çıxılan məbləğlər nəzərə alınmadan) verginin xüsusi çəkisini göstərən əmsala vurmaqla müəyyənləşdirilməsi metodu) cari mənfəət vergisini hesablayır ki, bu da bəzən əlavə vergi yükünün yaranmasına səbəb olur.

Hörmətli Sahibkarlar!

1. Tərəfinizdən cari mənfəət vergisinin hesablanması üçün aprel ayının 15-nə kimi vergi orqanına rəsmi məlumat verməmisinizsə sizə cari mənfəət vergisi yalnız əvvəlki ilin mənfəət vergisinin 25%-i həddində (hər rüb üçün) hesablanmalıdır (maddə 151.3).

2. Əgər 2015-ci il zərərlə nəticələnibsə 2016-cı ildə vergi orqanı cari mənfəət vergisini hesablaya bilməz.

3. Əgər yeni fəaliyyətə başlamısınızsa cari mənfəət vergisini hər bir ödəyici özü hesablayıb büdcəyə ödəməlidir və bu barədə müvafiq arayışı vergi orqanına təqdim etməlidir (maddə 151.5).